قصيدة عتاب مع البحر

أنا يا بحر ما جيتك فضى ولمشاهدك شفقـان
أنا جيتك أبنسى الياس وبعض الهـم يبارينـي
على جالك أنا جالس أسامر موجك الغضبـان
أسولف له عن أوجاعي وعناي وغربه سنيني
علامك يا بحر غاضب علامك تصرخ بكتمان
أنا جيتـك أبشكيلـك وأبـي منـك تواسينـي
أنا مثلك بحر لكن وسط نفسـي أنـا غرقـان
تعبت أبحر مع نفسـي وأسالهـا أنـا وينـي
أنا محتار في وصفي ومع نفسي أنـا حيـران
أنا لا قادر افهمها وهـي تجهـل مضامينـي
أنا مليت من حزني وتعبت ابحث عن السلوان
ولا ضنيت به شـي عـن أحزانـي يسلينـي
أحس أن الحزن عالم بحورة وصحوة ووديان
تخيل يا بحر حجمه إذا حجمـه سكـن فينـي
تصور لو شقا الدنيا تجمع في كيـان إنسـان
تصدق ما بقى بالكون أسى ما بات في عينـي
ترى كل الحزن لو غاب وراح لآخر الأوطان
يغيب ويرتحل لحظات ويرجع يستقـر فينـي
أنا آخر فصول الحزن وأنا لدروبـه العنـوان
وأنـا آخـر عزوفاتـه وأصواتـه تغنيـنـي
أنا والليل والغربـة تعانقنـا مثـل الأخـوان
ليلـي كـل آهاتـي وللغـربـة عناويـنـي
تعبت أسقى ثرى أحلامي وأزرع بالوهم بستان
تعبت ولا نبت زرعي وتعبت وجفت بساتيني
جحدني حظي العاثر رماني بسكة الحرمـان
جحدني ولا مـرة علـى الفرحـة يرسينـي
ألا يا بحر جاوبني وش آخر هذي الأحـزان
وش آخر رحله أوجاعي وعناي وغربة سنيني

جمييييييل جدا
كلام موئر ورائع
سلمت يداكي

الله يسلمك
يسلموووا عالمرور
نورت

النور نورك

» عتاب الأحباب ليس الإ .!!
» لماذا يلجأ المهموم إلى البحر ... والعاشق يلجأ للسماء ... ؟؟؟